На палігоне пад Брэстам беларускія вайскоўцы трэніраваліся змагацца з «незаконнымі вайсковымі фарміраваннямі». Аб гэтым паведаміў інтэрнэт-рэсурс onlinebrest.by. Магчыма, што гэтыя трэніроўкі сталі адказам на заявы байцоў батальёну імя Каліноўскага аб вызваленні Беларусі ад улады Лукашэнкі.
На палігоне «Брэсцкі» беларускія вайскоўцы адпрацоўваюць тактычныя заняткі супраць умоўнага незаконнага вайсковага фарміравання. Беларускія вайскоўцы праходзяць шэраг трэніровак, пасля адбудзецца тактычныя вучэнні.
Магчыма, вучэнні звязаныя з дзейнасцю беларускага батальёна імя Кастуся Каліноўскага, які ваюе на баку Украіны. Беларускія добраахвотнікі неаднаразова заяўлялі, што пасля вызвалення Украіны ад расійскіх войскаў прыйдуць на тэрыторыю Беларусі вызваляць яе ад рэжыму Лукашэнкі.
— Верым, што пераможам Расію, а пасля вызвалім Беларусь. Думаю, усё так і будзе. Галоўнае сёння для нас — пакончыць з пуцінскай уладай, бо яна — апора для дыктатур і ў сябе, і ў Мінску, — казаў кіраўнік «Маладога фронту» Дзяніс Урбановіч у інтэрв’ю Свабодзе.
