Памежнікі ў Аўгустове са стрэламі спынялі двух «кур’ераў», якія перавозілі нелегальных мігрантаў ад польска-беларускай мяжы, а адзін з іх нават збіў інспектара Памежнай службы.
7 ліпеня ў Аўгустове супрацоўнікі Падляшскага памежнага атраду спынылі двух кіроўцаў. «Кур’еры» спрабавалі ўцякаць.
Адзін з кіроўцаў быў грамадзянінам Індыі с польскім відам на жыхарства, другі — грамадзянінам Пакістана з іспанскім відам на жыхарства. Кіроўцы спрабавалі ўцячы, і адзін з іх збіў польскага памежніка. Іншыя супрацоўнікі Памежнай службы пачалі страляць: спачатку ў паветра, а пасля і ў шыны аўтамабіля.
«Кур’ераў» затрымалі з дапамогай паліцыі Аўгустова. У іх машынах было па аднаму нелегальнаму мігранту, яны назваліся грамадзянамі Іраку.
