Цягам апошніх тыдняў шэраг еўрапейскіх палітыкаў заклікалі спыніць выдачу шэнгенскіх віз грамадзянам Расіі. Затым прагучалі прапановы распаўсюдзіць тую ж практыку і на беларусаў. Ці варта прымаць такое рашэнне і навошта? Запыталіся ў мінакоў на вуліцах Беластока.
Вось што адказалі жыхары Польшчы.
***
— Не, забараняць нельга. Навошта? Я думаю, што не. Мусяць ездзіць, бо і так, і так людзі маюць недзе схавацца ад вайны. Да вас едуць не мужчыны. Едуць жанчыны з малымі дзецьмі. З Беларусі едуць як палітычныя [уцекачы]. Думаю, няхай едуць.
***
— Думаю, што ўсіх нельга закідваць у адзін кошык. Наўпрост у гэтай сітуацыі трэба ладзіць вельмі ўважлівы кантроль на мяжы. У той жа час… Я б не трактавала аднолькава жыхароў і Літвы, і Беларусі, і Расіі, толькі б глядзела, дзе ёсць крыніца вайны. Разам з тым, не пакідала б тых расіян сам-насам з сабой, каб рабілі, што хацелі.
***
— Ясна, што трэба. Я цалкам за, бо думаю, што людзі маюць дакладна зарыентавацца ў тым, што адбываецца, і ведаць, што тая прапаганда, якую там ім укладаюць у галаву, — гэта толькі прапаганда. А насамрэч — забіваюць нявінных людзей. Каб задумаліся, што робяць іх улады. Не, не патрэбна, каб сюды ехалі, пакуль нешта не зменіцца ў бягучай сітуацыі. Размова пра расстрэлы цывільнага насельніцтва. Наогул пра гэтую бессэнсоўную вайну.
***
— Ведаеце, не ведаю, што пра гэта думаць. Бо першы раз чую пра гэтую праблему. Таму не маю трывалай грунтоўнай візіі на гэтую тэму.
***
Зразумела, канешне! Каб не выязджалі, трэба іх ізаляваць. Толькі ўкраінцам [дапамагаць]. Польскім уцекачам у Стане Вайсковым таксама дапамагалі заходнія дзяржавы. Не трэба было ніякіх віз. Каторыя ўжо ёсць… Некаторых можна выдаліць. Калі вядуць нейкую агітацыйную дзейнасць на карысць Расіі.
***
— Варта стрымаць рух грамадзян Расіі на тэрыторыю Еўрасаюза.
— Для беларусаў таксама?
— Беларусы… Беларусаў агулам таксама. Бо агулам яны ўсё адно выступаюць супраць украінцаў, таму дакладна так.
***
— Аёй… Гэта цяжкае пытанне, шчыра кажучы. Напэўна, я не за тое, каб адкідаць усіх гэтых людзей. Бо кожны ёсць чалавекам, заслугоўвае на дабро, на шчасце. Калі можам дапамагчы — то варта. Але, канешне, ёсць пэўная лёгкая нотка страху. Таму цяжка мне, я не маю нейкага канкрэтнага меркавання. Але як чалавек лічу, што калі можам дапамагчы — то варта.
Трошкі, можа гэтага баюся, трохі іншай культуры, іншага веравызнання. Не хаваю, што тут, у Беластоку, я пачуваюся вельмі бяспечна з пункту гледжання нашай веры. Але кожнаму трэба даць шанец і веру ў тое, што можна прыстасавацца да большасці. Таму, магчыма, гэтыя новыя асобы прыстасаваліся б. Мне падаецца, што мы хутчэй маем быць адкрытымі для іншых людзей.
***
— Беларусам — даць. Рускім — не!
