Беларуска Карына Пацёмкіна была ў Бучы, калі пачалася поўнамаштабная вайна ва Украіне ў канцы лютага 2022 года. Дзяўчына стала сведкам расійскай акупацыі і разбурэнняў, якія пакінула армія Пуціна. Чаму беларуска не з’ехала ў бяспечную краіну, а засталася ва Украіне і пачала аднаўляць Бучу, яна расказала журналістам MOST.
Карына Пацёмкіна — актывістка з Салігорску, у канцы снежня 2021 году, з-за ціску ўладаў, была вымушаная выехаць з Беларусі. Ва Украіне займаецца валанцёрскай дзейнасцю, першыя дні расейска-ўкраінскай вайны Карына сустрэла ў Бучы. Праз месяц, калі расійскую армію ўдалося выцесніць, беларуска вярнулася аднаўляць Бучу.
З Карынай мы сустрэліся ў Беластоку, сюды яна прыехала па валанцёрскіх справах. З лютага па верасень беларуска заставалася ва Украіне. Дзяўчына жыве ў Бучы і працуе як валанцёр у мясцовай Радзе. 30 чэрвеня 2022 года Пацёмкіна атрымала падзяку ад Бучанскай тэрытарыяльнай грамады, а 6 ліпеня стала вядома, што ў яе не прынялі дакументы на легалізацыю ва Украіне. Дзяўчына мусіла пакінуць тэрыторыю краіны да 15 ліпеня. Але ўвага медыяў і рэзананс у сацыяльных сетак дапамаглі беларусцы дамагчыся анулявання першапачатковага рашэння аб дэпартацыі з Украіны.
У інтэрв’ю Карына расказала, як пачалася вайна, як яна і іншыя беларусы выбіраліся ў бяспечнае месца і чаму пасля сыходу расійскіх войскаў з Бучы прыехала аднаўляць гэты горад
«Калі я вярнулася, я ўбачыла разбураную і без камунікацый Бучу. Мёртвы горад і без людзей», — сказала Карына.
