У Беластоку пройдзе канцэрт Лявона Вольскага ў межах тура па Польшчы «За нашу і вашу свабоду!».
Канцэрт Лявона Вольскага пройдзе ў Беластоку 14 снежня а 20 гадзіне. Месца — Zmiana Klimatu (ul. Warszawska 6). Уваход у клуб будзе толькі для паўналетніх. Квіткі можна набыць на сайце bilety24.pl.
— Сябры й сяброўкі, наш час непаўторны, усё, што ён прыносіць з сабою, нам даводзіцца пражываць — і радасць, і смутак. Асабліва цяпер, калі навіновая стужка нагадвае сцэнарый да апакаліптычнага фільма, як ніколі каштоўныя чалавечыя цяпло і добрыя навіны. Я вельмі ўсцешаны, што вы дорыце мне так шмат цяпла, і маю для вас добрую навіну — у снежні, перад Калядамі, мы выпраўляемся ў тур па Польшчы, каб сустрэцца з вамі, падарыць улюбёных спеваў, адчуць нашую беларускую еднасць і наблізіць той час, калі мы зможам вольна вярнуцца ў Беларусь. Кожны з вас сваімі штодзённымі крокамі набліжае гэты дзень, вось і мы робім тое, што ўмеем лепш за ўсё, бо без музыкі нашае жыццё было б памылкаю. Далучайцеся да нас у Беластоку!
Арганізатар: Wild Beat Sound
Партнёры тура: Беларускае Радыё Рацыя, Фундацыя Graj, Беларускі Моладзевы Хаб / Białoruski Młodzieżowy Hub
