Гродзенскі гурт Messed Up апублікаваў новы сінгл Smash Patriarchy і прысвяціў яго жанчынам Польшчы, якія выказваліся супраць забароны абортаў, а таксама беларускім жанчынам, якія сутыкнуліся з гвалтам. Пра навінку паведамляе Telegram-канал Радыё «Harodnia»
— Мы напісалі гэтую песню пад уплывам такіх ашаламляльных падзей, як паўстанне жанчын у Польшчы супраць забароны абортаў Strajk Kobiet і, відавочна, падзей у нашай краіне, дзе жанчынам таксама давялося сутыкнуцца з жахлівым гвалтам.
Гурт прысвяціў песню дзяўчатам і жанчынам свету і змагаюцца за свае правы: за правы на аборт, тым, хто знаходзяцца ў турме за свае перакананні, а таксама тым, хто не мае намеру трываць панаванне прывілеяваных мужчын.
— Нам больш няма на каго разлічваць у гэтай барацьбе, акрамя саміх сябе. Гэтая песня пра салідарнасць, пра сястрынства, пра шчырасць і самаадданасць, з якімі мы будуем вызваленчы рух ад патрыярхату па ўсім свеце. Дзе б мы ні былі, мы не самотныя, — напісаў гурт на сваёй старонцы ў Facebook.
