Алег Кулеша — былы палітвязень з Пружанаў. Быў пакараны да 19 месяцаў калоніі паводле «справы карагодаў» у Брэсце. Адбываў тэрмін у брэсцкай турме і бабруйскай калоніі. Мужчына расказаў MOST пра сваё жыццё ў калоніі, дзе быў адзіным, хто размаўляў на беларускай мове. Таксама ён распавёў пра важнасць асвятлення тэмы палітвязняў і дзеянняў беларусаў у 2020 годзе і пасля.
Палітвязня абвінавацілі па ч. 1 арт. 342 Крымінальнага кодэкса за падзеі 13 верасня 2020 года на Маршы герояў у Брэсце, калі пратэстоўцы на скрыжаванні бульвара Касманаўтаў і праспекта Машэрава вадзілі карагод, спявалі песні «Муры» і «Тры чарапахі», танчылі. Пратэстоўцаў разагналі вадамётам, а потым узбудзілі крымінальную справу.
Па стане на 17 мая 2023 года ў Беларусі прызнаныя палітычнымі вязнямі 1 480 чалавек.
— Не існуе былых палітвязняў, бо ёсць палітвязень і усё. Просто ён выйшаў на волю. І не трэба чакаць, што ў першыя месяцы ён будзе штосьці расказваць. Магчыма гэта будзе толькі праз паўгады, — расказвае Алег Кулеша. — Толькі вар’ят ці супрацоўнік Лукашэнкі скажа, што не трэба распавядаць пра палітвязняў. Іншая розніца — як распавядаць. У 2020 годзе Латушка казаў дзіўную рэч — сыдзем з плошчы, то загінем. Зараз тое самое: забудзем пра вязняў, то будзе усё. Зараз ідзе вайна беларусаў з фашыстамі, гэта трэба ўжо прыняць. Таму што, той хто хацеў сысці, той сышоў. Засталіся тыя, у каго няма адукацыі і розума. Першая наша барацьба з гэтымі фашыстамі, гэта палітвязні. У ўкраінцаў зараз Бахмут на першым месце. А наш Бахмут — гэта палітвязні. Гэта наша самае галоўнае. Дзеля гэтага трэба рабіць усё. Я не ведаю пра план «Перамога», бо сядзеў у той моманат, калі ён з’явіўся. Але калі ён існуе, то чаму ён не працуе ў бок палітвязняў. Чаму палітвязень выходзіць і мае столькі праблем.
Інтэрв’ю з Алегам можна паглядзець у відэа:
