Беларускія актывісты з 17 арганізацый накіравалі зварот міністру адукацыі Польшчы Пшэмыславу Чарнеку. Яны не згодныя з тым, каб навучэнцы беларускіх ліцэяў у Бельску-Падляшскім і Гайнаўцы не вывучалі беларускую мову.
Як паведамляе Polskie Radio Białystok, аўтары звароту прапануюць вярнуцца ў гэтым пытанні да становішча на пачатак мінулага навучальнага года. У абарону беларускай мовы ў ліцэях сабрана больш за дзве тысячы подпісаў.
Нагадаем, у Гайнаўцы частка бацькоў выступіла супраць таго, каб іх дзеці вывучалі ў ліцэі беларускую мову і прадметы, звязаныя з культурай і традыцыямі меншасці.
