Беларусы заснавалі ў Беластоку музычны клуб. Яго каманда стварылася з удзельнікаў гурта Kurwadziki. Гэта толькі пачатак, кажуць стваральнікі, паступова ў суполку дадаюцца новыя імёны.
— Кожны музыка, які адыграў ў беларускім пабе Beer4U, становіцца нашым рэзідэнтам. Зараз у гэты спіс уваходзіць, напрыклад, Дзядзенька з гурта Dzieciuki, спявачка Кацярына Ваданосава, — распавёў «Радыё Ўнэт» лідар гурта Антон Сіроцін.
Паводле яго, кожны рэзідэнт мае абавязак — раз у сезон зладзіць невялікую імпрэзу.
— Гэта зусім некамерцыйная гісторыя, мы робім гэта за ўласныя грошы. Лічу, што клуб не павінен рабіцца камерцыйным, але калі б ён самаакупаўся, было б добра.
Антон марыць, што ў будучыні клуб будзе дапамагаць выступоўцам перад вялікімі канцэртамі.
— Калі музыку трэба будзе разыграцца перад вялікім канцэртам, ён зможа гэта зрабіць у нашым клубе.
Па словах лідара Kurwadziki, Беласток стаў добрай пляцоўкай для развіцця беларускай культуры. У горадзе шмат беларускамоўных, а ініцыятывы не падаўляюцца, як гэта было ў Беларусі.
— Я быў вельмі здіўлены, калі апынуўся тут і зразумеў, што мне нічога не перашкаджае. Нават ёсць дапамога — не адразу, але праз нейкі час плануем зладзіць тур рэзідэнтаў Беластоцкага музычнага клуба, — падляўіся Антон. — Адзіная праблема, якую я адчуваю, — гэта няма так званага «клея», які б звязваў камерцыйшчыкаў, франдрайзераў і нізавыя двіжы, якія з’яўляюцца.
