Краязнаўца Аляксей Трубкін даследуе беластоцкія могілкі, на якіх пахаваныя беларускія культурныя дзеячы. Ён пачаў збіраць звесткі больш за 10 гадоў таму. Пра сваю дзейнасць ён распавёў Беларускаму Радыё Рацыя.
Большасць пахаванняў знаходзяцца на праваслаўных могілках Усіх Святых на Выгодзе.
— Я часта параўноўваю гэтыя могілкі з віленскімі «Росамі». Выявіў ужо больш за дзясятак пахаванняў. Вядома, што гэта толькі невялікая частка, — дзеліцца Аляксей.
Краязнаўца адзначае, што некаторыя з пахаванняў дагледжаныя — гэта сведчыць, што нашчадкі памятаюць і даглядаюць за імі. Але ёсць і такія помнікі, якія разбураюцца ўжо дзесяцігоддзямі:
— Сёлета мы з сям’ёй і сябрамі ў прыватным парадку вырашылі пад’ехаць і наведаць гэтыя могілкі, дзе паставілі знічы, — падзяліўся Аляксей.
Сярод дзеячаў, пахаваных на беластоцкіх могілках, ёсць музыка Канстанцін Кіслы, паэт Васіль Юравец, пісьменнік Юрый Геніюш.
Як беларус напаўняе беларускую Вікіпедыю артыкуламі пра Беласток
