Беларусь — гэта зараз адзін з самых складаных кірункаў дзейнасці польскай дыпламатыі, лічыць кіраўнік Замежнай службы Польшчы Пётр Рыхлік.
— Польскія дыпламаты стараюцца падтрымаць прадстаўнікоў польскай меншасці ў Беларусі, аднак па аб’ектыўных прычынах Беларусь зараз выключная зона для дыпламатычных дзеянняў. Таму мы не хочам гаварыць публічна пра любыя нашыя дзеянні, — прыводзіць яго словы Беларуская служба Польскага радыё.