У 2024 з бюджэту Падляшскага ваяводства плануецца выдзеліць 1,5 млн злотых на дзейнасць Цэнтра беларускай культуры. Пра такія планы паведаміў маршалак ваяводства Артур Касіцкі падчас сустрэчы з кіраўніком Народнага антыкрызіснага ўпраўлення Паўлам Латушка.
Вядома, што зараз ужо створана юрыдычная асоба Цэнтра і адкрыты разліковы рахунак. Цэнтр узначаліць Анатоль Вап, прадстаўнік беларускай этнічнай меншасці ў Польшы. Плануецца, што Цэнтр беларускай культуры дапаможа ў інтэграцыі так званай «новай дыяспары», якая сфармавалася пасля 2020 года.
Падчас сустрэчы з Артурам Касіцкім Павел Латушка паведаміў, што ў ваяводстве працуе 731 кампанія з беларускім удзелам — па гэтым параметры Падляшша займае другое месца ў Польшчы. Маршалак выказаў зацікаўленасць у правядзенні асобнага мерапрыемства, арыентаванага на малы бізнэс рэгіёна. Плануецца, што падчас яго абмяркуюць пытанні легалізацыі бізнэсу, узаемадзеянне з банкаўскімі структурамі ды іншыя праблемныя аспекты.
Таксама Касіцкі папярэдне даў згоду выдзеліць сродкі з бюджэту ваяводства для рэпрэсаваных выбітных дзеячаў беларускай культуры.
