Памёр двухгадовы беларускі хлопчык, якога ўдарыла токам падчас адпачынку на польскай Балтыцы. Яго бацькі, якія вымушаныя былі з’ехаць у Варшаву праз палітычны пераслед, распачалі збор сродкаў на транспарціроўку цела ў Варшаву, арганізацыю пахавання і аказанне псіхалагічнай падтрымкі старэйшым дзецям.
Сям’я Хілютаў пакінула радзіму ў сярэдзіне 2023 года. У ёй было трое дзяцей ва ўзросце 17, 11 і двух гадоў. У Польшчы сям’я знаходзіцца пад міжнароднай аховай.
— 29 траўня 2024 года мы з сям’ёй адправіліся ў доўгачаканы адпачынак у наваколлі Гданьска. Падчас адпачынку ў нас здарылася трагедыя. 1 чэрвеня ў нумары гатэля, дзе мы спыніліся, нашага двухгадовага сына Захара падчас гульні ўдарыла токам. Ратавальнікі, якія прыбылі на месца, рэанімавалі яго і на верталёце даставілі ў бальніцу Гданьска. Два дні дактары змагаліся за яго жыццё, але, на жаль, выратаваць яго не ўдалося, 3 чэрвеня наш сын памёр, — напісаў Аляксандр Хілюта.
Сям’я яшчэ не паспела ўстаць на ногі ў вымушанай эміграцыі, у бацькоў няма сталай працы, а ў сувязі з трагедыяй з’явілася шмат непрадбачаных выдаткаў. Таму сям’я просіць аказаць ёй фінансавую падтрымку. Яна падзякавала ўсім за любую дапамогу.
Двухлетнего беларусского мальчика ударило током во время отдыха на польской Балтике
