9 жніўня не менш чым у 17 гарадах свету пройдуць акцыі, маршы і пікеты да Дня Годнасці. Мерапрыемствы прымеркаваныя да шостай гадавіны беларускіх пратэстаў 2020 года супраць сфальсіфікаваных прэзідэнцкіх выбараў і гвалту з боку рэжыму Лукашэнкі.
Да акцый далучацца і беларускія дыяспары ў Польшчы. Мерапрыемствы пройдуць у Беластоку, Варшаве, Гданьску, Уроцлаве, Шчэціне і Торуні. Яшчэ адна сустрэча адбудзецца 16 жніўня ў Познані.
Напярэдадні гадавіны да беларусаў звярнулася лідарка дэмакратычных сіл Святлана Ціханоўская.
«У гэты дзень я хачу быць побач з беларусамі. За шэсць гадоў у нас спрабавалі адабраць вельмі многае: свабоду, дом, працу, магчымасць быць побач з роднымі. Але ніхто не змог прымусіць нас пагадзіцца з тым, што беларусы нічога не вырашаюць у сваёй краіне», — сказала Ціханоўская.
Беласток
Мітынг-канцэрт пачнецца 9 жніўня а 17.00.
Месца: пляцоўка каля рэстарана Żubrowisko, Rynek Kościuszki, 10.
Варшава
Мітынг-канцэрт пачнецца а 18.00 каля помніка Мікалаю Каперніку.
Месца: Krakowskie Przedmieście, 1.
Падтрымаць арганізацыю Дня годнасці ў Варшаве можна праз збор BYSOL.
Гданьск
А 15.00 каля фантана Нептуна на Długi Targ пачнецца Марш годнасці.
А 16.00 у Зімовым садзе Еўрапейскага цэнтра салідарнасці адкрыецца выстава «Колеры супраціву».
А 17.00 у аўдыторнай зале цэнтра пакажуць фільм «Пад шэрым небам».
Уроцлаў
Збор удзельнікаў Маршу годнасці пачнецца а 14.30 каля Narodowe Forum Muzyki на Plac Wolności.
А 15.00 пачнецца марш ад Plac Wolności да Pręgierz.
З 15.30 да 16.00 каля Pręgierz пройдзе акцыя салідарнасці.
Шчэцін
Акцыя пачнецца а 19.15 на Plac Adamowicza каля гандлёвага цэнтра Kaskada.
Торунь
Мітынг да Дня годнасці пачнецца а 18.00 каля помніка Мікалаю Каперніку.
Познань
У Познані мерапрыемства пройдзе ў нядзелю, 16 жніўня.
А 16.00 удзельнікі сустрэнуцца ў Fundacja KUT, каб пачытаць і абмеркаваць кнігу Антона Бяляева «Як я правёў гэтае лета». Сустрэчу прымеркавалі да шостай гадавіны пачатку беларускай рэвалюцыі.
Вы можаце абмеркаваць гэты матэрыял у нашым Telegram-канале. Калі вы не ў Беларусі, пераходзьце і падпісвайцеся.
