Гарадскія ўлады Беластока вырышылі, што беларускае консульства будзе змяшчацца ў скверы Вольнай Беларусі. Раней мясцовыя жыхары выступілі з пратэстам і выйгралі справу супраць беластоцкіх улад, якія перайменавалі вуліцу Электрычную, дзе знаходзіцца консульства, у вуліцу Вольнай Беларусі. Пра новыя акалічнасці перайменавання піша Wyborcza.
Консульства павінна змяніць адрас на «сквер Вольнай Беларусі»
Сквер Вольнай Беларусі — менавіта такую назву будзе насіць тратуар перад консульствам Беларусі ў Беластоку. Цяпер мясцовыя жыхары не будуць мяняць дакументы — у гэтым і была асноўная прэтэнзія пасля ўжо адмененага перайменавання. А вось беларускае консульства будзе абавязанае змяніць дакументы і афіцыйны адрас: яго новы адрас — сквер Вольнай Беларусі, 1.
Шыльды з назвай вуліцы Вольнай Беларусі зніклі — на іх месца вярнулася старая назва вуліцы Электрычнай. Расказваем, што здарылася і ці...
Чытаць далейDetailsПрэзідэнт Беластока Тадэвуш Трускаляскі накіраваў радным горада праект рэзалюцыі: у прапанове назваць тратуар перад консульствам Беларусі скверам Вольнай Беларусі.
Wyborcza адзначае, што згодна з прапановай мясцовыя жыхары ці прадпрымальнікі не будуць мяняць свае адрасы і дакументы.
— Будзе зменены толькі адрас консульства. Гэта важнае месца для беларусаў у Беластоку, якія былі вымушаныя пакінуць радзіму праз палітычны пераслед, а таксама для тых, хто падтрымлівае барацьбу з рэжымам Лукашэнкі.
Чаму ў Беластоку з’явілася, а пасля знікла вуліца Вольнай Беларусі?
Восенню 2022 года беластоцкія гарадскія ўлады перайменавалі частку вуліцы Электрычнай, дзе знаходзіцца беларускае консульства, у вуліцу Вольнай Беларусі. Супраць змены выступілі мясцовыя жыхары, якія пражываюць у дамах на той частцы вуліцы, якая была перайменаванная.
Жыхары звярнуліся да ваяводы Багдана Пашкоўскага, аднак ён не знайшоў праблемы. Пасля жыхары падалі позву ў Ваяводскі адміністратыўны суд. Суд задаволіў позву і адмяніў рашэнне гарадскіх улад аб перайменаванні ў сакавіку 2023 года.
У маі 2023 года шыльды з назвай «вуліца Электрычная» вярнуліся на сваё месца.
Прэзідэнт Беластока Тадэвуш Трускаляскі расказаў MOST, чаму ў Беластоку не будзе вуліцы Вольнай Беларусі і што горад плануе зрабіць наўзамен....
Чытаць далейDetailsMOST пытаўся ў прэзідэнта горада Тадэвуша Трускаляскага пра вяртанне назвы Вольнай Беларусі. Кіраўнік Беластока падкрэсліў, што мясцовыя ўлады абавязкова знойдуць месца для гэтай назвы.
