30-гадовага жыхара Скідзеля Міхаіла Мякеку, які вярнуўся з Польшы, асудзілі на шэсць гадоў калоніі за каментары, паведамляе праваабарончы цэнтр «Вясна». Ён быў затрыманы напрыканцы лістапада 2022 года.
Гродзенскі абласны суд вынес прысуд па шэрагу пратэсных артыкулаў.
Па версіі сілавікоў, менавіта ў Польшчы мужчына зарэгістраваўся ў плане «Перамога» і пісаў паведамленні з пагрозамі сілавікам.
Паводле абвінавачання, знаходзячыся ў Польшы, Міхаіл Мякека ў 2020 годзе размяшчаў паведамленні, відэазапісы і публікацыі, накіраваныя на распальванне сацыяльнай варожасці і варожасці ў дачыненні да супрацоўнікаў праваахоўных органаў, арганізацыю групавых дзеянняў, якія груба парушаюць грамадскі парадак, ў дэструктыўных Telegram-каналах, у тым ліку і «ЧКБ».
Суд прызначыў Мякеку па сукупнасці абвінавачанняў (ч. 1 і ч. 3 арт. 130, ч. 1 арт. 342, ч. 2 арт. 366, ч. 2 арт. 367 КК) шэсць гадоў калоніі ва ўмовах узмоцненага рэжыму.
