СССР разваліўся тут, у беларуска-польскім памежжы. Паляўнічая рэзідэнцыя Віскулі, дзе 30 год таму быў падпісаны развал Савецкага Саюза, знаходзіцца ў Пружанскім раёне, усяго ў кіламетрах 25 ад мяжы з Польшчай.
Цяпер слаба ў гэта верыцца — але яшчэ паўтары гады таму туды можна было прыехаць з Польшчы, ад Белавежы, усяго хвілін за 20. Дзейнічаў бязвіз для замежнікаў і працаваў спрошчаны пункт пропуску «Перарова» – «Белавежа», звычайна пусты.
Цяпер жа ў гэтым месцы назіраецца толькі актыўнасць іракскіх мігрантаў. Менавіта тут рэгулярна адбываюцца спробы прарыву мяжы з беларускага боку.
