Сёння на Рынку Касцюшкі ў Беластоку адбылася акцыя, дзе жыхары горада выказалі салідарнасць з украінскім народам, які быў сёння атакаваны. Падчас маніфестацыі гучалі лозунгі «Kijów, Warszawa — wspólna sprawa», «Солідарні з Україною».
«Расія мусіць пачуць, што Захад не забыў пра вольную, незалежную Украіну»
Першым выступіў кіраўнік беластоцкай суполкі «Маладых дэмакратаў» Лукаш Таргоньскі:
— Сёння мы сустрэліся ў гэтым месцы, каб паказаць салідарнасць з Украінай. Сёння расійская армія з Пуціным учыніла напад на Украіну. Бамбардуюць гарады, такія як Кіеў, Харкаў, Марыупаль, Адэса і шмат іншых. Украінцы паміраюць цяпер, таму што Пуцін мае імперыялістычныя амбіцыі. Украіна не для Пуціна! У той жа час украінскай арміі вельмі патрэбная падтрымка з нашага боку — фінансавая, дыпламатычная. Мы мусім зрабіць як найбольшыя санкцыі ў бок Расіі. Расія мусіць пачуць, што Захад не забыў пра вольную, незалежную Украіну.
Лукаш расказаў пра сваякоў, якія цяпер ва Украіне і маюць шмат складанасцей. Цяпер адбываецца вялізны гуманітарны крызіс. Таму палякам варта далучацца да гуманітарных акцый і збіраць грошы, каб дапамагаць тым, каму гэта спатрэбіцца. Таксама актывіст адзначыў, што калі ваенныя самалёты лятаюць над Кіевам, то могуць з’явіцца і над Варшавай:
— Мы мусім падтрымліваць украінскую армію! Эмігранты прыйдуць да нас і будуць грукаць у дзверы, і мы не можам не адчыніць ім — гэта нашы браты!
«Нашы думкі і сэрцы з Украінай»
Намеснік прэзідэнта Беластока Рафал Рудніцкі выступіў на мітынгу:
— Сёння нашы думкі і сэрцы з Украінай, з украінскім народам, які быў атакаваны пуцінскай Расіяй. Тут, у Беластоку, мы асабліва думаем пра Луцк — наш горад-партнёр, які месціцца ў 90 кіламетрах ад польскай мяжы. Хацеў бы задэклараваць, што ўлады Беластока і жыхары салідарныя з жыхарамі Луцка і Украіны.
І як горад Беласток дэкларуе гуманітарную дапамогу Луцку — у прадуктах і іншых рэчах, якія будуць патрэбныя. Так пакажам, што беластаччане салідарныя з украінскім народам.
«Адкрыем сэрцы, не можам быць абыякавымі»
Войт гміны Карыцін Міраслаў Лех адзначыў:
— Памятаем Расію з адной вайны, другой, адна акупацыя, другая, пасля камунізм. А тое, што цяпер адбываецца, — проста кашмар. Не можам быць абыякавымі, будзем дапамагаць Украіне. Маем з ёй складаную гісторыю, вельмі складаную. Але цяпер на нашых вачах адбываюцца неймаверныя рэчы. У 21 стагоддзі людзі былі атакаваныя з-за чалавека, які не бачыць межаў. Кожная вайна нясе за сабой не толькі знішчэнне, смерць салдат, але кашмар для звычайных людзей. Паміраюць дзеці, старыя, цэлыя сем’і. То мусім у салідарным жэсце дапамагчы ім. Не ведаем, колькі прыедзе да нас адтуль. Адкрыем сэрцы, не можам быць абыякавымі. Не можам дапусціць, каб Украіна згубіла незалежнасць!
Чытайце таксама:
Акцыя салідарнасці з Украінай прайшла сёння вечарам у цэнтры Беластока. Жыхары горада, прадстаўнікі ўкраінскай і беларускай дыяспар сабраліся на Рынку...
Чытаць далейDetails
Глава Национального совета по радио и телевидению Польши Агнешка Гляпяк призвала Сенат гарантировать стабильное функционирование польских медиа за границей. В...
Чытаць далейDetails
Анастасия Морочкова называет себя кондитером-путешественником. Она родом из Могилева, жила в Минске, работала в Литве и Латвии, а полтора года...
Чытаць далейDetails
