Затрыманні, арышты і суды, а таксама інфармацыя пра тых, хто выйшаў на волю. MOST расказвае, што адбывалася ў Гродна ў гэтыя дні.
8 ліпеня
Стала вядома пра затрыманне аднаго з супрацоўнікаў дзяржаўнага прадпрыемства Ліды. Вядома, што мужчыну затрымалі за распаўсюджванне экстрэмісцкіх матэрыялаў. Затрыманага завуць Аляксандр Пінаеў, яму 35 гадоў і мае двух дзяцей. Пінаева затрымалі на працы на прадпрыемстве «Лакокраски». Яму прысудзілі 10 сутак адміністратыўнага арышту.
У Смаргоні аштрафавалі ксендза Яўгена Учкуроніса. Мужчыне прысудзілі 20 базавых велічынь (640 рублёў) за захоўванне «экстрэмісцкіх матэрыялаў».
10 ліпеня
Гродзенскія сілавікі апублікавалі відэазапіс з жыхаром Ліды. Прычынай затрымання стала татуіроўка «1488». Мужчына паведаміў у «пакаяльным» відэа, што прыбярэ яе, а сам фашысцкіх поглядаў не прытрымліваецца.
10 ліпеня памёр паэт і грамадскі актывіст са Свіслачы Анатоль Валюк.
11 ліпеня
Затрыманы Алег Сягоднік выйшаў з ізалятара часовага ўтрымання пасля трох дзён. Мужчыну абвінавачвалі ў распаўсюджванні «экстрэмісцкіх матэрыялаў».
Мікалай Аўтуховіч аб’явіў галадоўку, таму што атрымлівае лісты толькі ад маці.
У Гродне быў асуджаны Аляксандр Францкевіч на чатыры з паловай гады. Мужчыну асудзілі па сямі артыкулах Крымінальнага кодэкса з-за каментарыяў.
Ад 11 ліпеня ў турме №1 у Гродне не працуе крама, у якой сваякі вязняў могуць пакупаць прадукты і рэчы для іх. Прычына — прадавец сышла ў адпачынак.
13 ліпеня
Да люстэрка гродзенскага навінавага парталу 015.by абмежавалі доступ. З просьбай абмежаваць доступ да люстэрка да Міністэрства інфармацыі звярнулася праўладная актывістка Вольга Бондарава. Да самога партала абмежавалі доступ яшчэ 20 мая 2022 года.
Палітзняволенага Паўла Вінаградава па прыбыцці ў ваўкавыскую калонію амаль адразу кінулі ў ШІЗА на пяць сутак. У калоніі Вінаградаву рабілі рэнтген і выявілі пляму ў лёгкіх. Яго лечаць антыбіётыкамі ў надзеі, што гэта пнеўманія.
14 ліпеня
Гродзенскі абласны суд разглядае справу шматдзетнай маці і актывісткі з Пружанаў Юліі Лаптановіч. Жанчыну абвінавачваюць у тым, што яна давала звесткі пра сілавікоў і суддзяў, што задзейнічаныя ў палітычным пераследзе беларусаў.
Гродзенскі суд можа пазбавіць свабоды на пяць год шматдзетную маці
15 ліпеня
На волю выйшла настаўніца музыкі з Ліды Вольга Каспяровіч. Жанчыну судзілі па артыкуле 130 Крымінальнага кодэкса за распальванне варожасці. Ёй прысудзілі да года і двух месяцаў пазбаўлення волі ў калоніі агульнага рэжыму. З улікам тэрміну, які яна правяла за кратамі, ёй заставалася сядзець каля двух тыдняў. Жанчына была прызнаная палітычнай зняволенай.
Двух гродзенцаў уключылі ў спіс фізічных асоб, датычных да тэрарыстычнай дзейнасці. Гэта Эдвард Вільчэўскі (абвінавачваецца па артыкулах 130 і 293 Крымінальнага кодэкса) і Сяргей Кірыковіч (абвінавачваецца па артыкуле 130 Крымінальнага кодэкса).
