Пасля 2020-га і асабліва пасля вясны 2022-га ў Польшчы стала нашмат больш беларусаў і ўкраінцаў. Мы вырашылі спытаць у мінакоў на вуліцах Беластока: прысутнасць «новых людзей» — гэта добра ці дрэнна?
***
— Не! Акей, пазітыўна! Пазітыўна. У мяне на працы шмат украінцаў, таму ўспрымаю пазітыўна. Але калі размова пра тых, хто жыве ў Польшчы і не працуе, то я не зусім задаволеная. Але як ёсць і працуюць — супер!
***
— Так весялей, так нас больш. Чую ў аўтобусе ўкраінскія галасы і задумваюся, ці не варта мне падвучыць гэтую мову?
— А калі некаторыя палякі кажуць, што ўкраінцы і беларусы працу забіраюць у палякаў?
— Не. Няпраўда, няпраўда. Столькі прапаноў, столькі вольных месцаў. Рук для работы ўвесь час не хапае.
***
— Па мне, гэта зусім нядрэнна. З таго пункту гледжання, што тут яны таксама нешта купляюць, а мы маем дадатковыя продажы, дадатковыя людзі ў гэтым працуюць. Пад гэтым кутом — як найбольш (пазітыўна).
— Можа, ёсць негатыўныя кейсы — працу ў палякаў забіраюць?
— Я з такім не сутыкаўся. Таму не выкажуся пра гэта.
***
— Для мяне добра, бо я беларус.
— Але, магчыма, вы сутыкаліся з негатывам датычны беларусаў і украінцаў, якія сюды прыязджаюць?
— Станам на сёння не, бо я тут працую ўжо не адзін год. Цалкам нармальна.
— Ніводнага разу не было, каб казалі, што вы ў некага працу забіраеце?
— Зараз не. Дзесяць год таму я такое чуў. Было такое прыслоўе: «Гэтых, з усходу, ужо зашмат».
***
— Я не з Беластока, але мне здаецца, што гэта добра. Трэба быць адкрытымі, калі ідзе вайна на ўсходзе. Добра, што дапамагаем людзям.
— Трэба адно аднаму дапамагаць, таму не бачу ў гэтым праблемы.
— Ці ёсць хоць нейкія негатыўныя кейсы?
— Напэўна, нейкія выклікі будуць з гэтым звязаныя, але пакуль цяжка гэта акрэсліць. Але перад абліччам той трагедыі, якая адбываецца на ўсходзе, натуральная рэакцыя — гэта працягнуць далонь гэтым людзям.
***
— Для мяне без розніцы. Як ёсць, хай будуць. Мне не шкада Беластока.
— Ці ёсць негатыўныя кейсы, часам кажуць, што працу забіраюць у палякаў?
— Я на пенсіі, таму ў мяне нічога не забіраюць. Мілыя людзі — тыя, з кім я сутыкалася. Нічога дрэннага не магу сказаць, зусім.
***
— Трэба заўсёды на ўсё глядзець пазітыўна. Жыццё дасць адказ: можа, праз нейкі час зразумеем, што гэта было не вельмі добра. Але лічу, што да гэтага нельга падыходзіць аж так крытычна.
— А калі кажуць, што ўкраінцы тут жывуць і не працуюць?
— Паўсюдна, у кожным грамадстве ёсць падобныя паталагічныя гультаі. Трэба з гэтым лічыцца. Калі прыязджаюць чужынцы, то вы ўсіх не спраўдзіце, праўда?
Глядзіце таксама
Зусім нядаўна Беларусь спрасціла правілы наведвання для літоўцаў і латышоў — на велікодныя святы тыя маглі б паехаць нават без...
Чытаць далейDetails
Цягам апошніх тыдняў шэраг еўрапейскіх палітыкаў заклікалі спыніць выдачу шэнгенскіх віз грамадзянам Расіі. Затым прагучалі прапановы распаўсюдзіць тую ж практыку...
Чытаць далейDetails
Чым беларусы адрозніваюцца ад расіян і ўкраінцаў? Лад жыцця, характар, яшчэ нешта? А можа — нічым? Пра адрозненні між усходнеславянскімі...
Чытаць далейDetails
