У бацькоў актывіста і краязнаўцы Аляксея Трубкіна сілавікі правялі вобшук. Яны выламалі дзверы, паведамляе «Радыё Рацыя».
Затрыманы бацька актывіста Анатоль Трубкін. Яму 69 гадоў і ён інвалід па зроку.
Сілавікі апісалі маёмасць, канфіскавалі камп’ютар і кнігі.
Ужо больш за 16 гадоў Аляксей Трубкін жыве ў Беластоку. Ён перакладае на беларускую мову, напаўняе беларускую Вікіпедыю, а таксама даследуе беластоцкія могілкі, на якіх пахаваныя беларускія культурныя дзеячы.