Рэдакцыя MOST некалькі тыдняў таму запусціла першы этап «Прэміі MOST-2022». У ім чытачы прапаноўвалі намінантаў у катэгорыі «Бізнес года», «Ініцыятыва года», «Валанцёр года», «Артыст года». Ад 26 снежня да 1 студзеня адкрываецца галасаванне за намінантаў.
Бізнес года
Апошняя хваля эміграцыі з Беларусі прынесла ў Беласток шмат бізнесаў, якімі карыстаюцца штодзень.
- Beer4u — самы беларускі паб у Беластоку, у якім праводзяць шматлікія беларускія мерапрыемствы: ад Мова Нанова да гістарычнага клуба.
- HeisenBurger — бізнес двух беларусаў Арцёма Пархімовіча і Юрыя Русака, які пачаўся гэтым летам у фудтраке на вуліцы Сенкевіча ў Беластоку.
«Мы не зря всё это затеяли». Как беларусы в Белостоке открыли фудтрак с бургерами
- Pizza Legion — піцэрыя, што месціцца ў Беластоку, уладальнікам якой з’яўляецца гродзенец Раман Ціс.
Пицца по-гродненски теперь и в Белостоке. Pizza Legion представили пиццу Grodno
- Адметнасць — анлайн-крама беларускіх тавараў ад гродзенцаў Вольгі і Сяргея Верамеенкі.
- Sklep białoruskiej simboliki — крама беларускіх тавараў Людмілы Жданко, якая працяглы час у 2022 годзе працавала ў Беластоку.
Ініцыятыва года
Акцыі, шэсці, мерапрыемствы — у Беластоку жывуць шмат беларусаў, якія могуць арганізоўваць самыя розныя актыўнасці і аб’ядноўвацца ў важныя і патрэбныя ініцыятывы.
- Мова Нанова — ініцыятыва па навучанні беларускай мове.
- Беларуская дыяспара Беластока — аб’яднанне беларусаў, якія жывуць у Беластоку. Дыяспара праводзіць шматлікія акцыі і сустрэчы.
- Klub Kobiet — ініцыятыва фонду «Okno na Wschód», якая займаецца развіццём супольнасці жанчын і падтрымкай іх ініцыятыў.
- Beer&History — гістарычны клуб пад піва, які праводзяць у пабе Beer4U Алесь Кіркевіч, Дарка Палынская і Алесь Трубкін. У мерапрыемствах удзельнічаюць гісторыкі, якія расказваюць цікавосткі з беларускай гісторыі.
Навошта і за якія грошы беларусы стварылі ў Беластоку гістарычны клуб Beer&History?
- Збор подпісаў за ўрокі беларускай мовы — ініцыятыва бацькоў за арганізацыі ўрокаў беларускай мовы ў Беластоку для дзяцей не толькі польскага грамадзянства.
Подпісы за арганізацыю ўрокаў беларускай мовы ў школах Беластока перадалі ў Дэпартамент адукацыі
Валанцёр года
Вайна ва Украіне і працяг міграцыі з Беларусі выклікалі неабходнасць у адданых людзях, якія дапамагаюць тым, каму гэта трэба.
- Алена Жаркевіч — займаецца падтрымкай людзей, якія ўцяклі з Беларусі і Украіны, таксама дапамагае Узброеным сілам Украіны.
- Ліза Міцкевіч — займаецца падтрымкай шматлікіх ініцыятыў, якія ўмацоўваюць грамадзянскую супольнасць.
«Мы не иностранки, а жительницы Белостока». Как Лиза Мицкевич стала менторкой Клуба женщин
- Юля Гаруновіч — арганізатарка дзіцячага садка для беларускіх дзяцей, кіраўніца жаночага кніжнага клуба Беластока.
- Дыяна Абухоўская — валанцёрка ініцыятывы Klub Kobiet. Арганізоўвае мерапрыемствы для беларускіх дзяцей і ўкраінскіх бежанцаў.
- Людміла Жданко — валанцёрка фонда «Альянс міратворцаў».
Артыст года
Цягам апошніх гадоў у Беласток прыехалі дзясяткі творчых беларусаў. Некаторыя з іх працягваюць займацца кар’ерай і выступаць, некаторыя адкрываюць творчыя майстэрні, хтосьці працягвае маляваць альбо спяваць. У гэтай намінацыі мы адзначаем тых, хто знайшоў у сабе сілы працягваць ствараць.
- Кацярына Ваданосава — спявачка, музыкант, вядоўца праграмы «Хай Так».
Кацярына Ваданосава: «Ніколі не думала, што буду радавацца першай стадыі рака»
- Ігар Палынскі — музыкант, журналіст, лідар гурта Sumarok.
- Яраслаў Кірвель — гродзенскі мастак, які пераехаў у Польшчу.
Як склаўся лёс эпатажнага мастака з Гродна, якога затрымалі разам з Ціханоўскім
- Раман Ялавік — вулічны музыка ў Беластоку.
Герой публікацыі MOST
У гэтай намінацыі пераможцу вызначае рэдакцыя MOST. «Герой публікацыі MOST» — гэта той або тая, пра каго журналісты MOST рабілі тэксты або відэа. Імя пераможцы мы агучым пасля заканчэння галасавання ў папярэдніх намінацыях.
Узнагароджанне пераможцаў адбудзецца ў дзень нараджэння MOST — 18 студзеня 2023 года.
